ਟੁਨਿਸ , 11 ਮਈ ( NRI MEDIA )

ਟਿਊਨੇਸ਼ੀਆ ਦੇ ਸਫੈਕਸ ਸੂਬੇ ਦੇ ਕਿਨਾਰੇ ਤੋਂ 40 ਮੀਲ ਦੂਰ ਪਰਵਾਸੀਆਂ ਨਾਲ ਭਰੀ ਕਿਸ਼ਤੀ ਡੁੱਬ ਗਈ ਜਿਸ ਵਿਚ 65 ਵਿਅਕਤੀਆਂ ਦੀ ਮੌਤ ਹੋ ਗਈ ਹੈ , ਸੰਯੁਕਤ ਰਾਸ਼ਟਰ ਦੀ ਸ਼ਰਨਾਰਥੀ ਏਜੰਸੀ ਨੇ ਦੱਸਿਆ ਕਿ ਇਸ ਹਾਦਸੇ ਵਿੱਚ 16 ਲੋਕਾਂ ਨੂੰ ਬਚਾਇਆ ਗਿਆ ਹੈ , ਬਚੇ ਹੋਏ ਲੋਕਾਂ ਦੇ ਅਨੁਸਾਰ, ਇਹ ਹਾਦਸਾ ਸਮੁੰਦਰ ਦੇ ਤੂਫਾਨ ਅਤੇ ਵਧਦੀਆਂ ਲਹਿਰਾਂ ਕਾਰਨ ਵਾਪਰਿਆ ਹੈ , ਇਹ ਕਿਸ਼ਤੀ ਵੀਰਵਾਰ ਨੂੰ ਲੀਬੀਆ ਤੋਂ ਚੱਲੀ ਸੀ ਅਤੇ ਯੂਰਪ ਵਿਚ ਦਾਖ਼ਲ ਹੋਣ ਦੀ ਕੋਸ਼ਿਸ਼ ਕਰ ਰਹੀ ਸੀ , ਸੰਯੁਕਤ ਰਾਸ਼ਟਰ ਸ਼ਰਨਾਰਥੀ ਏਜੰਸੀ ਦੇ ਅੰਕੜਿਆਂ ਅਨੁਸਾਰ, ਪਿਛਲੇ ਚਾਰ ਮਹੀਨਿਆਂ ਵਿਚ ਸਮੁੰਦਰੀ ਰਸਤੇ ਵਿਚ 164 ਵਿਅਕਤੀਆਂ ਦੀ ਮੌਤ ਲੀਬੀਆ ਤੋਂ ਯੂਰਪ ਤਕ ਜਾਂਦੇ ਹੋਏ ਹੋਈ ਹੈ |

ਸੰਯੁਕਤ ਰਾਸ਼ਟਰ ਸ਼ਰਨਾਰਥੀ ਏਜੰਸੀ ਦੇ ਅੰਕੜਿਆਂ ਅਨੁਸਾਰ, ਪਿਛਲੇ ਇਕ ਸਾਲ ਤੋਂ ਪ੍ਰਵਾਸੀਆਂ ਦੀਆਂ ਮੌਤ ਦੀ ਗਿਣਤੀ ਵਧਦੀ ਜਾ ਰਹੀ ਹੈ , ਇਸ ਬੇੜੀ ਡੁੱਬਣ ਦੀ ਘਟਨਾ ਨੂੰ ਇਸ ਸਾਲ ਦੀ ਸਭ ਤੋਂ ਵੱਡੀ ਦੁਰਘਟਨਾ ਦੱਸਿਆ ਜਾ ਰਿਹਾ ਹੈ , ਬਚੇ ਲੋਕਾਂ ਨੂੰ ਟਿਊਨੇਸ਼ੀਆ ਦੀ ਨੇਵੀ ਵਲੋਂ ਤੱਟ ਉੱਤੇ ਲਿਆਂਦਾ ਗਿਆ ਹੈ , ਹਾਦਸੇ ਵਿਚ ਜ਼ਖ਼ਮੀ ਹੋਏ ਵਿਅਕਤੀ ਨੂੰ ਵੀ ਹਸਪਤਾਲ ਵਿਚ ਦਾਖਲ ਕਰਵਾਇਆ ਗਿਆ ਹੈ |

ਇਸ ਕਿਸ਼ਤੀ 'ਤੇ ਬਹੁਤੇ ਲੋਕ ਅਫ਼ਰੀਕਨ ਹੋਣ ਦੀ ਜਾਣਕਾਰੀ ਦਿੱਤੀ ਜਾ ਰਹੀ ਹੈ  ਟਿਊਨੀਸ਼ੀਆ ਦੀ ਰੱਖਿਆ ਮੰਤਰਾਲੇ ਨੇ ਕਿਹਾ ਕਿ ਜਿਵੇਂ ਹੀ ਉਨ੍ਹਾਂ ਨੂੰ ਦੁਰਘਟਨਾ ਬਾਰੇ ਪਤਾ ਲੱਗਾ, ਉਨ੍ਹਾਂ ਨੇ ਲੋਕਾਂ ਨੂੰ ਬਚਾਉਣ ਲਈ ਇੱਕ ਕਿਸ਼ਤੀ ਭੇਜੀ , ਸਥਾਨਕ ਰਿਪੋਰਟਾਂ ਅਨੁਸਾਰ ਹਾਦਸੇ ਤੋਂ ਬਾਅਦ ਇਕ ਹੈਲੀਕਾਪਟਰ ਵੀ ਰਵਾਨਾ ਕੀਤਾ ਗਿਆ ਸੀ ਜਿਸਨੇ ਬਚਾਅ ਕਾਰਜਾਂ ਨੂੰ ਹੋਰ ਤੇਜ਼ ਕੀਤਾ ਸੀ |

ਮਹੱਤਵਪੂਰਨ ਤੌਰ 'ਤੇ, ਲੀਬੀਆ ਤੋਂ ਆਉਣ ਵਾਲੇ ਹਜ਼ਾਰਾਂ ਲੋਕ ਮੈਡੀਟੇਰੀਅਨ ਸਮੁੰਦਰ ਪਾਰ ਕਰਦੇ ਹਨ ਅਤੇ ਗੈਰ ਕਾਨੂੰਨੀ ਤਰੀਕੇ ਨਾਲ ਯੂਰਪ ਜਾਣ ਦੀ ਕੋਸ਼ਿਸ਼ ਕਰਦੇ ਹਨ , ਗੈਰ ਕਾਨੂੰਨੀ ਬੇੜੀਆਂ ਰਾਹੀਂ ਇਸ ਮਾਈਗਰੇਸ਼ਨ ਨਾਲ ਹਰ ਸਾਲ ਬਹੁਤ ਸਾਰੀਆਂ ਮੌਤਾਂ ਹੁੰਦੀਆਂ ਹਨ |