• Wednesday, August 21

Breaking News :

ਯਮਨ ਹਮਲੇ 'ਚ ਰਾਸ਼ਟਰਪਤੀ ਟਰੰਪ ਨੂੰ ਲੱਗਾ ਵੱਡਾ ਝੱਟਕਾ, ਕਿਹਾ ਫ਼ੌਜ ਨੂੰ ਸਦਣਗੇ ਵਾਪਸ

14 ਫਰਵਰੀ, ਸਿਮਰਨ ਕੌਰ- (NRI MEDIA) : 

ਵਾਸ਼ਿੰਗਟਨ (ਸਿਮਰਨ ਕੌਰ) : ਅਮਰੀਕੀ ਸੰਸਦ ਨੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਸਬੰਧਾਂ ਨੂੰ ਸਾਊਦੀ ਅਰਬ ਨਾਲ ਝਟਕਾ ਦਿੰਦੇ ਹੋਏ ਯਮਨ 'ਚ ਜੰਗ ਲਈ ਸਾਊਦੀ ਅਰਬ ਨੂੰ ਦਿੱਤੀ ਜਾ ਰਹੀ ਮਦਦ ਖ਼ਤਮ ਕਰਨ ਲਈ ਕਿਹਾ ਹੈ। ਵਾਸ਼ਿੰਗਟਨ ਪੋਸਟ ਦੇ ਪੱਤਰਕਾਰ ਜਮਾਲ ਖਸ਼ੋਗੀ ਦੀ ਹੱਤਿਆ ਤੋਂ ਬਾਅਦ ਵੀ ਸਾਊਦੀ ਪ੍ਰਤੀ ਟਰੰਪ ਦੀ ਨਰਮੀ ਨਾਲ ਸੰਸਦ ਮੈਂਬਰਾਂ ਵਿਚ ਖਾਸਾ ਰੋਸ ਸੀ। ਮਤਦਾਨ ਦੌਰਾਨ 177 ਦੀ ਤੁਲਨਾ ਵਿਚ 248 ਵੋਟਾਂ ਨਾਲ ਮਤੇ ਨੂੰ ਮਨਜ਼ੂਰੀ ਦਿੱਤੀ ਗਈ। ਇਸ ਵਿਚ ਯਮਨ ਵਿਚ ਚਾਰ ਸਾਲ ਤੋਂ ਚੱਲ ਰਹੇ ਸੰਘਰਸ਼ ਦੀ ਨਿੰਦਾ ਕੀਤੀ ਗਈ। ਸੰਘਰਸ਼ ਵਿਚ ਹੁਣ ਤਕ ਹਜ਼ਾਰਾਂ ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ। 18 ਰਿਪਬਲਿਕਨ ਸੰਸਦ ਮੈਂਬਰਾਂ ਨੇ ਵੀ ਮਤੇ ਦੇ ਪੱਖ ਵਿਚ ਡੈਮੋਕ੍ਰੇਟਸ ਨਾਲ ਮਤਦਾਨ ਕੀਤਾ। ਹਾਲਾਂਕਿ, ਇਸ ਦੌਰਾਨ ਸਾਊਦੀ ਅਰਬ ਨਾਲ ਖ਼ੁਫ਼ੀਆ ਜਾਣਕਾਰੀਆਂ ਦੇ ਆਦਾਨ-ਪ੍ਰਧਾਨ ਦੇ ਮਤੇ 'ਤੇ ਡੈਮੋਕ੍ਰੇਟਸ ਨੇ ਨਰਮੀ ਦਿਖਾਈ। ਓਥੇ ਹੀ ਟਰੰਪ ਇਸ ਮਾਮਲੇ 'ਚ ਆਪਣੀ ਵੀਟੋ ਪਾਵਰ ਦਾ ਵੀ ਇਸਤੇਮਾਲ ਕਰ ਸਕਦੇ ਹਨ। ਟਰੰਪ ਦੇ ਸਾਹਮਣੇ ਇਸ ਲਈ ਵੀਟੋ ਪਾਵਰ ਇਸਤੇਮਾਲ ਕਰਨ ਦੀ ਸਥਿਤੀ ਬਣ ਰਹੀ ਹੈ ਕਿਉਂਕਿ ਸੀਰੀਆ ਤੇ ਅਫ਼ਗਾਨਿਸਤਾਨ ਤੋਂ ਫ਼ੌਜ ਹਟਾਉਣ ਅਤੇ ਨਾਟੋ ਦੇ ਹੱਥ ਖਿੱਚਣ ਵਰਗੇ ਟਰੰਪ ਦੇ ਕਈ ਫ਼ੈਸਲਿਆਂ 'ਤੇ ਸਾਰੇ ਰਿਪਬਲਿਕਨ ਵੀ ਉਨ੍ਹਾਂ ਨਾਲ ਨਹੀਂ ਦਿਸ ਰਹੇ ਹਨ।


Add Comment

Most Popular

Sign up for the Newsletter

Join our newsletter and get updates in your inbox. We won’t spam you and we respect your privacy.