• Tuesday, September 17

ਅਨੁਪਮ ਖੇਰ ਅਤੇ ਏਸ਼ਾ ਗੁਪਤਾ ਨੇ ਵਿਵੇਕ ਓਬਰਾਏ ਦੇ ਟਵੀਟ ਨੂੰ ਦੱਸਿਆ ਸ਼ਰਮਨਾਕ

ਅਨੁਪਮ ਖੇਰ ਅਤੇ ਏਸ਼ਾ ਗੁਪਤਾ ਨੇ ਵਿਵੇਕ ਓਬਰਾਏ ਦੇ ਟਵੀਟ ਨੂੰ ਦੱਸਿਆ ਸ਼ਰਮਨਾਕ

ਮੁੰਬਈ (ਵਿਕਰਮ ਸਹਿਜਪਾਲ) : ਵਿਵੇਕ ਓਬਰਾਏ ਦੀ ਫ਼ਿਲਮ ਪੀਐੱਮ ਨਰਿੰਦਰ ਮੋਦੀ 24 ਮਈ ਨੂੰ ਰਿਲੀਜ਼ ਹੋ ਰਹੀ ਹੈ। ਫ਼ਿਲਮ ਦੀਆਂ ਚਰਚਾਵਾਂ ਦੇ ਨਾਲ-ਨਾਲ ਵਿਵੇਕ ਓਬਰਾਏ ਆਪਣੇ ਇੱਕ ਵਿਵਾਦਤ ਟਵੀਟ ਨੂੰ ਲੈ ਕੇ ਵੀ ਚਰਚਾ 'ਚ ਹਨ। ਇਸ ਮਾਮਲੇ 'ਚ ਜਿੱਥੇ ਰਾਸ਼ਟਰੀ ਮਹਿਲਾ ਕਮਿਸ਼ਨ ਨੇ ਵਿਵੇਕ ਓਬਰਾਏ ਨੂੰ ਨੋਟਿਸ ਭੇਜ ਕੇ ਜਵਾਬ ਮੰਗਿਆ ਹੈ ਉੱਥੇ ਹੀ ਅਦਾਕਾਰ ਅਨੁਪਮ ਖੇਰ ਅਤੇ ਅਦਾਕਾਰਾ ਏਸ਼ਾ ਗੁਪਤਾ ਵਰਗੀਆਂ ਕਈ ਵੱਡੀਆਂ ਹਸਤੀਆਂ ਨੇ ਵਿਵੇਕ ਓਬਰਾਏ ਨੂੰ ਗ਼ਲਤ ਠਹਿਰਾਇਆ ਹੈ। ਅਨੁਪਮ ਖੇਰ ਨੇ ਟਵੀਟ ਕਰਦਿਆਂ ਕਿਹਾ, "ਇਹ ਬਿਆਨ ਬਹੁਤ ਸ਼ਰਮਨਾਕ ਹੈ।


ਸਿੱਧੀ ਜਿਹੀ ਗੱਲ ਹੈ ਕਿ ਉਨ੍ਹਾਂ ਨੂੰ ਅਜਿਹਾ ਨਹੀਂ ਕਰਨਾ ਚਾਹੀਦਾ ਸੀ। ਇਹ ਬਿਲਕੁਲ ਸਹੀ ਨਹੀਂ ਸੀ।" ਅਦਾਕਾਰਾ ਏਸ਼ਾ ਗੁਪਤਾ ਨੇ ਟਵੀਟ ਕਰਕੇ ਕਿਹਾ, "ਇਹ ਤੁਹਾਡੀ ਮਾਨਸਿਕਤਾ ਨੂੰ ਦਰਸਾਉਂਦਾ ਹੈ। ਇਹ ਬਹੁਤ ਸ਼ਰਮਨਾਕ ਹੈ।"ਜ਼ਿਕਰਯੋਗ ਹੈ ਕਿ ਇਸ ਤਿੱਖੀ ਪ੍ਰਤੀਕਿਰਿਆ ਤੋਂ ਬਾਅਦ ਵਿਵੇਕ ਨੇ ਸੋਸ਼ਲ ਮੀਡੀਆ 'ਤੇ ਐਸ਼ਵਰਿਆ ਰਾਏ-ਐਗਜ਼ਿਟ ਪੋਲ ਵਾਲਾ ਵਿਵਾਦਤ ਮੀਮ ਡਿਲੀਟ ਕਰਕੇ ਮੁਆਫ਼ੀ ਮੰਗ ਲਈ ਹੈ।


Add Comment

Recent Post

Sign up for the Newsletter

Join our newsletter and get updates in your inbox. We won’t spam you and we respect your privacy.