• Friday, December 06

ਕੈਨੇਡਾ ਦੀ ਇਸ ਅਦਾਕਾਰਾ ਨੇ PM ਮੋਦੀ ਨੂੰ ਲਿਖੀ ਚਿੱਠੀ, ਕੀਤੀ ਇਹ ਬੇਨਤੀ

ਕੈਨੇਡਾ ਦੀ ਇਸ ਅਦਾਕਾਰਾ ਨੇ PM ਮੋਦੀ ਨੂੰ ਲਿਖੀ ਚਿੱਠੀ, ਕੀਤੀ ਇਹ ਬੇਨਤੀ

ਓਂਟਾਰੀਓ ਡੈਸਕ (Vikram Sehajpal) : PM ਨਰਿੰਦਰ ਮੋਦੀ ਨੂੰ ਕੈਨੇਡੀਅਨ ਅਦਾਕਾਰਾ ਨੇ ਇਕ ਚਿੱਠੀ ਲਿਖੀ, ਚਿੱਠੀ ਵਿਚ ਅਦਾਕਾਰਾ ਨੇ ਲਿਖਿਆ ਕਿ ਦਿੱਲੀ ਤੇ ਪੂਰੇ ਭਾਰਤ ਵਿਚ ਵਧਦੇ ਪ੍ਰਦੂਸ਼ਣ ਦੇ ਨਾਲ ਹੀ ਜਾਨਵਰਾਂ ਦੀ ਹਾਲਤ 'ਤੇ ਵੀ ਚਿੰਤਾ ਜ਼ਾਹਿਰ ਕੀਤੀ ਹੈ। ਇਹ ਅਦਾਕਾਰਾ ਕੋਈ ਹੋਰ ਨਹੀਂ ਬਲਕਿ ਪਲੇਅਬੁਆਏ ਤੇ ਫਿਰ ਬੇਅਵਾਚ ਨਾਲ ਮਸ਼ਹੂਰ ਹੋਈ ਮਾਡਲ ਤੇ ਅਦਾਕਾਰਾ ਪਾਮੇਲਾ ਐਂਡਰਸਨ ਹੈ। ਪਾਮੇਲਾ ਕਰੀਬ 9 ਸਾਲ ਪਹਿਲਾਂ ਭਾਰਤ ਆਈ ਸੀ ਤੇ ਉਸ ਨੇ ਹਮੇਸ਼ਾ ਹੀ ਦੇਸ਼ ਦੀ ਸੰਸਕ੍ਰਿਤੀ ਦੀ ਸ਼ਲਾਘਾ ਕੀਤੀ ਹੈ। 

ਜਾਨਵਰਾਂ ਲਈ ਕੰਮ ਕਰਨ ਵਾਲੀ ਸੰਸਥਾ ਦੀ ਸਨਮਾਨਿਤ ਡਾਇਰੈਕਟਰ ਹੈ ਪਾਮੇਲਾ 

ਪਾਮੇਲਾ ਜਾਨਵਰਾਂ ਲਈ ਕੰਮ ਕਰਨ ਵਾਲੀ ਸੰਸਥਾ ਪੇਟਾ ਦੀ ਸਨਮਾਨਿਤ ਡਾਇਰੈਕਟਰ ਹੈ। ਉਹਨਾਂ ਨੇ ਪ੍ਰਧਾਨ ਮੰਤਰੀ ਮੋਦੀ ਨੂੰ ਦੇਸ਼ ਵਿਚ ਸ਼ਾਕਾਹਾਰੀ ਖਾਣੇ ਨੂੰ ਉਤਸ਼ਾਹਿਤ ਕਰਨ ਦੀ ਅਪੀਲ ਕੀਤੀ ਹੈ। ਨਾਲ ਹੀ ਉਹਨਾਂ ਨੇ ਕਿਹਾ ਹੈ ਕਿ ਭਾਰਤ ਵਿਚ ਕਲਾਈਮੇਟ ਚੇਂਜ ਤੇ ਗਲੋਬਲ ਵਾਰਮਿੰਗ ਦੇ ਅਸਰ 'ਤੇ ਵੀ ਰੋਕ ਲਾਉਣੀ ਚਾਹੀਦੀ ਹੈ। ਪਾਮੇਲਾ ਨੇ ਪ੍ਰਧਾਨ ਮੰਤਰੀ ਨੂੰ ਕਿਹਾ ਕਿ ਉਹ ਦੁੱਧ ਦੀ ਥਾਂ ਸੋਇਆ ਨਾਲ ਬਣੇ ਉਤਪਾਦਾਂ ਨੂੰ ਉਤਸ਼ਾਹਿਤ ਕਰਨ। ਇਸ ਤੋਂ ਇਲਾਵਾ ਮੀਟ 'ਤੇ ਬੈਨ ਲਗਾਉਣ ਤੋਂ ਇਲਾਵਾ ਜਾਨਵਰਾਂ ਨਾਲ ਬਣੇ ਦੂਜੇ ਉਤਪਾਦਾਂ ਨੂੰ ਵੀ ਬੰਦ ਕਰ ਦੇਣਾ ਚਾਹੀਦਾ ਹੈ।

ਪਾਮੇਲਾ ਨੇ ਪ੍ਰਧਾਨ ਮੰਤਰੀ ਨੂੰ ਕਿਹਾ ਕਿ ਸਰਕਾਰੀ ਮੀਟਿੰਗਾਂ ਵਿਚ ਇਹਨਾਂ ਗੱਲਾਂ ਦਾ ਖਾਸ ਧਿਆਨ ਰੱਖਿਆ ਜਾਣਾ ਚਾਹੀਦਾ ਹੈ। ਪਾਮੇਲਾ ਦੀ ਮੰਨੀਏ ਤਾਂ ਜਾਨਵਰਾਂ ਨੂੰ ਡੇਅਰੀ, ਮੀਟ ਤੇ ਅੰਡਿਆਂ ਦੇ ਲਈ ਪਾਲਣ ਦਾ ਮਤਲਬ ਹਰ ਪੰਜ ਵਿਚੋਂ ਇਕ ਇਨਸਾਨ ਦਾ ਗਰੀਨ ਹਾਊਸ ਗੈਸਾਂ ਦੀ ਨਿਕਾਸੀ ਵਿਚ ਯੋਗਦਾਨ ਦੇਣ ਬਰਾਬਰ ਹੈ। ਉਹਨਾ ਨੇ ਲਿਖਿਆ ਕਿ ਅੱਜ ਦੀ ਤਰੀਕ ਵਿਚ ਮੀਟ ਤੇ ਡੇਅਰੀ ਕੰਪਨੀਆਂ ਦੁਨੀਆਂ ਦੀਆਂ ਸਭ ਤੋਂ ਵੱਡੀਆਂ ਪ੍ਰਦੂਸ਼ਕ ਬਣ ਚੁੱਕੀਆਂ ਹਨ ਤੇ ਯੂਨਾਈਟੇਡ ਨੇਸ਼ਨਸ ਦੇ ਵਲੋਂ ਵੀ ਚਿਤਾਵਨੀ ਦਿੱਤੀ ਗਈ ਹੈ ਕਿ ਵੀਗਨ ਟ੍ਰੈਂਡ ਨੂੰ ਬੜਾਵਾ ਦੇ ਕੇ ਕਲਾਈਮੇਟ ਚੇਂਜ ਨਾਲ ਨਜਿੱਠਿਆ ਜਾ ਸਕਦਾ ਹੈ। ਇਹ ਇਕ ਵਿਕਲਪ ਨਹੀਂ ਬਲਕੀ ਲੋੜ ਹੈ।

ਮੋਦੀ ਨੂੰ ਨਿਊਜ਼ੀਲੈਂਡ, ਚੀਨ ਤੇ ਜਰਮਨੀ ਦੇ ਨਕਸ਼ੇਕਦਮ 'ਤੇ ਚਲਣਾ ਚਾਹੀਦਾ

ਇਸ ਦੌਰਾਨ ਪਾਮੇਲਾ ਨੇ ਮੋਦੀ ਨੂੰ ਨਿਊਜ਼ੀਲੈਂਡ, ਚੀਨ ਤੇ ਜਰਮਨੀ ਦੇ ਨਕਸ਼ੇਕਦਮ 'ਤੇ ਚੱਲਣ ਨੂੰ ਕਿਹਾ ਹੈ, ਜਿਹਨਾਂ ਨੇ ਮੀਟ ਦੀ ਵਰਤੋਂ ਨੂੰ ਹਰ ਸਰਕਾਰੀ ਪ੍ਰੋਗਰਾਮ ਵਿਚ ਬੈਨ ਕਰ ਦਿੱਤਾ ਹੈ। ਪਾਮੇਲਾ ਐਂਡਰਸਨ ਨੂੰ ਭਾਰਤੀ ਦਰਸ਼ਕਾਂ ਨੇ ਬਿੱਗ-ਬੌਸ ਦੇ ਚੌਥੇ ਸੀਜ਼ਨ ਵਿਚ ਦੇਖਿਆ ਸੀ। ਉਹਨਾਂ ਨੇ ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੂੰ ਵੀ ਅਜਿਹੀ ਹੀ ਚਿੱਠੀ ਲਿਖੀ ਹੈ।


Add Comment

Recent Post

Sign up for the Newsletter

Join our newsletter and get updates in your inbox. We won’t spam you and we respect your privacy.