• Saturday, August 08

Breaking News :

ਕੈਨੇਡਾ - ਕਤਲ ਹੋਏ 22 ਸਾਲਾ ਨੌਜਵਾਨ ਦੀ ਪੁਲਿਸ ਨੇ ਜ਼ਾਹਰ ਕੀਤੀ ਪਛਾਣ

ਕੈਨੇਡਾ - ਕਤਲ ਹੋਏ 22 ਸਾਲਾ ਨੌਜਵਾਨ ਦੀ ਪੁਲਿਸ ਨੇ ਜ਼ਾਹਰ ਕੀਤੀ ਪਛਾਣ

ਵੈੱਬ ਡੈਸਕ (Vikram Sehajpal) : ਕੈਨੇਡਾ ਦੇ ਟੋਰਾਂਟੋ ਨੌਰਥ ਯਾਰਕ ਖੇਤਰ ਵਿੱਚ ਬੀਤੇ ਦਿਨ ਇੱਕ 22 ਸਾਲਾ ਨੌਜਵਾਨ ਨੂੰ ਕਿਸੇ ਨੇ ਗੋਲੀ ਮਾਰ ਦਿੱਤੀ ਸੀ, ਜਿਸ ਕਾਰਨ ਉਸ ਦੀ ਮੌਤ ਹੋ ਗਈ। ਪੁਲਿਸ ਨੇ ਅੱਜ ਉਸ ਦੀ ਪਛਾਣ ਜ਼ਾਹਰ ਕਰਦਿਆਂ ਦੱਸਿਆ ਹੈ ਕਿ ਉਹ ਉਨਟਾਰੀਓ ਕਾਲਜ ਆਫ਼ ਆਰਟ ਐਂਡ ਡਿਜ਼ਾਈਨ ਯੂਨੀਵਰਸਿਟੀ ਦਾ ਵਿਦਿਆਰਥੀ ਸੀ। ਜੇਰੇਮੀ ਵਿਨਸੈਂਟ ਉਰਬੀਨਾ ਨਾਂ ਦਾ ਇਹ ਵਿਦਿਆਰਥੀ ਟੋਰਾਂਟੋ ਦਾ ਹੀ ਵਾਸੀ ਸੀ। ਟੋਰਾਂਟੋ ਪੁਲਿਸ ਨੇ ਦੱਸਿਆ ਕਿ ਐਮਰਜੰਸੀ ਅਮਲੇ ਨੂੰ ਰਾਤ ਲਗਭਗ 8 ਵਜੇ ਫੋਨ ਆਇਆ ਸੀ ਕਿ ਲੇਸਲੀ ਸਟਰੀਟ ਐਂਡ ਫਿੰਚ ਐਵੇਨਿਊ ਈਸਟ ਖੇਤਰ ਵਿੱਚ ਪੈਂਦੇ 11 ਫੀਲਡ ਸਪੈਰੋਵੇਅ ਵਿੱਚ ਗੋਲੀ ਚੱਲੀ ਹੈ।

ਇਸ 'ਤੇ ਪੁਲਿਸ ਅਧਿਕਾਰੀ ਜਦੋਂ ਮੌਕੇ 'ਤੇ ਪੁੱਜੇ ਤਾਂ ਇੱਕ 22 ਸਾਲਾ ਵਿਅਕਤੀ ਮ੍ਰਿਤਕ ਮਿਲਿਆ, ਜਿਸ ਦੀ ਪਛਾਣ ਉਨਟਾਰੀਓ ਕਾਲਜ ਆਫ਼ ਆਰਟ ਐਂਡ ਡਿਜ਼ਾਈਨ ਯੂਨੀਵਰਸਿਟੀ ਦੇ ਵਿਦਿਆਰਥੀ ਜੇਰੇਮੀ ਵਿਨਸੈਂਟ ਉਰਬੀਨਾ ਵਜੋਂ ਹੋਈ। ਟੋਰਾਂਟੋ ਪੁਲਿਸ ਦੇ ਇੰਸਪੈਕਟਰ ਜਿਮ ਗੋਟੇਲ ਨੇ ਦੱਸਿਆ ਸੀ ਕਿ ਗੋਲੀਬਾਰੀ ਦੀ ਇਹ ਵਾਰਦਾਤ ਟਾਊਨ ਹਾਊਸ ਕੰਪਲੈਕਸ ਦੀ ਪਾਰਕਿੰਗ ਵਿੱਚ ਵਾਪਰੀ। ਵਿਦਿਆਰਥੀ ਜੇਰੇਮੀ ਵਿਨਸੈਂਟ ਉਰਬੀਨਾ ਦੇ ਪਰਿਵਾਰਕ ਮੈਂਬਰਾਂ ਨੇ 'ਸੀਟੀਵੀ ਨਿਊਜ਼ ਟੋਰਾਂਟੋ' ਨੂੰ ਦੱਸਿਆ ਕਿ ਉਨਾਂ ਦੇ ਪੁੱਤਰ ਇੱਕ ਫੁਰਤੀਲਾ ਨੌਜਵਾਨ ਸੀ, ਜਿਸ ਦਾ ਆਰਟ ਅਤੇ ਥਿਏਟਰ ਨਾਲ ਚੰਗਾ ਲਗਾਅ ਸੀ। 

ਉਹ ਉਨਟਾਰੀਓ ਕਾਲਜ ਆਫ਼ ਆਰਟ ਐਂਡ ਡਿਜ਼ਾਈਨ ਯੂਨੀਵਰਸਿਟੀ ਵਿੱਚ ਦੂਜੇ ਸਾਲ ਦਾ ਵਿਦਿਆਰਥੀ ਸੀ ਤੇ ਇਨਾਂ ਦਿਨੀਂ ਪ੍ਰੀਖਿਆ ਦੀ ਤਿਆਰੀ ਕਰ ਰਿਹਾ ਸੀ। ਮ੍ਰਿਤਕ ਦੀ ਮਾਂ ਨੇ ਭਾਵੁਕ ਹੁੰਦੇ ਹੋਏ ਕਿਹਾ ਕਿ ਉਸ ਦਾ ਪੁੱਤਰ ਇੱਕ ਅੱਛਾ ਬੱਚਾ ਸੀ, ਪਰ ਇਸ ਅਣਹੋਣੀ ਘਟਨਾ ਨੇ ਉਸ ਨੂੰ ਉਨਾਂ ਤੋਂ ਦੂਰ ਕਰ ਦਿੱਤਾ।


Add Comment

Recent Post

Sign up for the Newsletter

Join our newsletter and get updates in your inbox. We won’t spam you and we respect your privacy.