• Wednesday, August 21

Breaking News :

ਵੱਡੀ ਖ਼ਬਰ - ਜਗਮੀਤ ਸਿੰਘ ਨੇ ਬਰਨਬੀ ਦੱਖਣੀ ਤੋਂ ਚੋਣ ਜਿੱਤੀ

ਬਰਨਬੀ , 26 ਫਰਵਰੀ ( NRI MEDIA )

ਐਨਡੀਪੀ ਲੀਡਰ ਜਗਮੀਤ ਸਿੰਘ ਨੇ ਤਿੰਨ ਫੈਡਰਲ ਚੋਣਾਂ ਵਿਚੋਂ ਇੱਕ ਬ੍ਰਿਟਿਸ਼ ਕੋਲੰਬਿਆ ਦੀ ਬਰਨਬੀ ਦੱਖਣ ਲਈ ਬਹੁਤ ਮਹੱਤਵਪੂਰਨ ਸੀਟ ਜਿੱਤੀ ਹੈ , ਸਿੰਘ ਨੂੰ 38.1 ਫੀਸਦੀ ਵੋਟਾਂ ਨਾਲ 196 ਵਿਧਾਨਸਭਾ ਵਿਚ 165 ਵੋਟਾਂ ਪ੍ਰਾਪਤ ਹੋਈਆਂ ਹਨ ,ਬਰਨਬੀ ਵਿਚ ਜਿੱਤਣਾ ਸਿੰਘ ਲਈ ਅਹਿਮ ਸੀ ਕਿਉਂਕਿ ਪਿੱਛੇ ਲੰਮੇ ਸਮੇਂ ਤੋਂ ਉਨ੍ਹਾਂ ਨੂੰ ਮੁੱਖ ਨੇਤਾ ਵਜੋਂ ਉਨ੍ਹਾਂ ਦੀ ਕਾਰਗੁਜ਼ਾਰੀ ਲਈ ਆਲੋਚਨਾ ਦਾ ਸਾਹਮਣਾ ਕਰਨਾ ਪੈ ਰਿਹਾ ਸੀ , ਕੈਨੇਡਾ ਵਿੱਚ ਆਉਣ ਵਾਲੀਆਂ ਫੈਡਰਲ ਚੋਣਾਂ ਤੋਂ ਪਹਿਲਾਂ ਜਗਮੀਤ ਸਿੰਘ ਲਈ ਇਹ ਇਕ ਵੱਡੀ ਰਾਹਤ ਹੈ |

ਲਿਬਰਲ ਰਿਚਰਡ ਟੀ. ਲੀ ਦੇ 26 ਪ੍ਰਤੀਸ਼ਤ , ਕਨਜ਼ਰਵੇਟਿਵ ਜਯ ਸ਼ਿਨ ਨੇ 22 ਪ੍ਰਤੀਸ਼ਤ ਅਤੇ ਜਗਮੀਤ ਸਿੰਘ ਨੇ 39 ਫ਼ੀਸਦੀ ਵੋਟ ਪ੍ਰਾਪਤ ਕੀਤੇ ਹਨ |

ਆਪਣੀ ਜਿੱਤ ਦੇ ਭਾਸ਼ਣ ਵਿੱਚ, ਸਿੰਘ ਨੇ ਸਮਰਥਕਾਂ ਦਾ ਧੰਨਵਾਦ ਕੀਤਾ ਅਤੇ ਵਾਅਦਾ ਕੀਤਾ ਕਿ ਉਹ ਗਰੀਬੀ ਦੇ ਵਿਰੁੱਧ ਲੜਨਗੇ ਅਤੇ ਆਪਣੀ ਫਾਰਮੇਸੀ ਯੋਜਨਾ ਲਈ ਆਪਣੀ ਪਾਰਟੀ ਦੀ ਮੁਹਿੰਮ ਨੂੰ ਜਾਰੀ ਰੱਖਣਗੇ , ਸਿੰਘ ਨੇ ਕਿਹਾ ਕਿ ਜਦੋਂ ਮੈਂ ਹਾਊਸ ਆਫ ਕਾਮਨਜ਼ ਵਿੱਚ ਆਪਣੀ ਸੀਟ ਲੈਂਦਾ ਹਾਂ, ਤਾਂ ਮੈਂ ਤੁਹਾਨੂੰ ਮਾਣ ਮਹਿਸੂਸ ਕਰਾਉਣ ਲਈ ਸਖ਼ਤ ਮਿਹਨਤ ਕਰਾਂਗਾ |

ਐਨਡੀਪੀ ਲੀਡਰ ਜਗਮੀਤ ਸਿੰਘ ਦੀ ਜਿੱਤ ਬੀ.ਸੀ., ਓਨਟਾਰੀਓ ਅਤੇ ਕਿਊਬੈਕ ਵਿੱਚ ਹੋਈਆਂ ਤਿੰਨ ਜਿਮਨੀ ਚੋਣਾਂ ਦੇ ਦੌਰਾਨ ਆਈ ਹੈ , ਓਨਟਾਰੀਓ ਦੇ ਯੌਰਕ-ਸਿਮਕੋਇਡ ਵਿੱਚ, ਕੰਜ਼ਰਵੇਟਿਵ ਉਮੀਦਵਾਰ ਸਕੌਟ ਡੇਵਿਡਸਨ ਨੇ ਜਿੱਤ ਪ੍ਰਾਪਤ ਕੀਤੀ ਹੈ, ਮੌਂਟਰੀਅਲ ਵਿੱਚ ਐਡਰਮੋਂਟ ਦੀ ਸੀਟ ਤੋਂ ਲਿਬਰਲ ਰੇਸ਼ੇਲ ਬੈਂਡੇਆਨ ਨੇ ਆਪਣੀ ਚੋਣ ਮੁਹਿੰਮ ਨੂੰ ਜਿੱਤ ਲਿਆ ਹੈ |

ਜਿਮਨੀ ਚੋਣਾਂ ਤੋਂ ਪਹਿਲਾਂ ਐਨਡੀਪੀ ਲੀਡਰ ਜਗਮੀਤ ਸਿੰਘ ਤੇ ਕਈ ਵੱਡੇ ਦੋਸ਼ ਲੱਗ ਰਹੇ ਸਨ , ਉਨ੍ਹਾਂ ਦੀ ਪਾਰਟੀ ਪ੍ਰਧਾਨ ਵਜੋਂ ਦਾਅਵੇਦਾਰੀ ਤੇ ਵੀ ਸਵਾਲ ਚੁੱਕੇ ਜਾ ਰਹੇ ਸਨ ਪਰ ਜਗਮੀਤ ਸਿੰਘ ਦੀ ਇਸ ਜਿੱਤ ਨੇ ਉਨ੍ਹਾਂ ਦੇ ਵਿਰੋਧੀ ਨੂੰ ਇਕ ਵੱਡਾ ਝਟਕਾ ਦਿੱਤਾ ਹੈ |


Add Comment

Most Popular

Sign up for the Newsletter

Join our newsletter and get updates in your inbox. We won’t spam you and we respect your privacy.