Breaking News :

ਅੱਜ ਦੀਆਂ ਟੌਪ 5 ਖ਼ਬਰਾਂ - ਜਿਨ੍ਹਾਂ ਤੇ ਰਹੇਗੀ ਨਜ਼ਰ ( 06-02-2019 )

ਕੈਨੇਡੀਅਨ ਪੰਜਾਬੀ ਮੀਡੀਆ ਲੈ ਕੇ ਆਉਂਦਾ ਹੈ ਤੁਹਾਡੇ ਲਈ ਤੇਜ਼ ਅਤੇ ਨਿਰਪੱਖ ਖਬਰਾਂ 

ਅੱਜ ਦੀਆਂ ਟੌਪ 5 ਖ਼ਬਰਾਂ   ( 06-02-2019 )




1. ਰਾਸ਼ਟਰਪਤੀ ਟਰੰਪ ਨੇ ਸੰਸਦ ਵਿੱਚ ਦਿੱਤੀ ਸਟੇਟ ਆਫ ਯੂਨੀਅਨ ਸਪੀਚ - ਵੱਖ ਵੱਖ ਮੁੱਦਿਆਂ ਤੇ ਕੀਤੀ ਗੱਲਬਾਤ

ਅਮਰੀਕੀ ਰਾਸ਼ਟਰਪਤੀ ਡੌਨਲਡ ਟਰੰਪ ਨੇ ਅਮਰੀਕੀ ਸਨਾਸਦ ਵਿੱਚ ਸਟੇਟ ਆਫ ਯੂਨੀਅਨ ਸਪੀਚ ਦਿੱਤੀ , ਜਿਥੇ ਉਨ੍ਹਾਂ ਨੇ ਕਾਂਗਰਸ ਦੇ ਦੋਵੇਂ ਸਦਨਾਂ ਦੇ ਸੰਸਦ ਮੈਂਬਰਾਂ ਨੂੰ ਸੰਬੋਧਿਤ ਕੀਤਾ , ਰਾਸ਼ਟਰਪਤੀ ਟਰੰਪ ਨੇ ਵਿਰੋਧੀ ਧਿਰ ਦੇ ਡੈਮੋਕਰੇਟ ਉੱਤੇ ਜ਼ੋਰ ਦਿੰਦਿਆਂ ਕਿਹਾ ਕਿ ਸਾਡੇ ਦੇਸ਼ ਦੇ ਲੱਖਾਂ ਸ਼ਹਿਰੀ ਸਾਡੇ ਤੋਂ ਬਹੁਤ ਉਮੀਦਾਂ ਕਰ ਰਹੇ ਹਨ ,ਉਨ੍ਹਾਂ ਨੇ ਕਿਹਾ ਕਿ ਅਸੀਂ ਇਕ ਰਾਸ਼ਟਰ ਦੇ ਤੌਰ 'ਤੇ ਸ਼ਾਸਨ ਕਰਾਂਗੇ ਨਾ ਕਿ ਦੋ ਪਾਰਟੀਆਂ ਦੇ ਰੂਪ' ਚ , ਉਨ੍ਹਾਂ ਨੇ ਸੀਰੀਆ ਵਿੱਚੋਂ ਸੈਨਾ ਤੋਂ ਹਟਾਉਣ ਤੋਂ ਲੈ ਮੈਕਸੀਕੋ ਦੀ ਸਰਹੱਦ ਤੇ ਕੰਧ ਬਣਾਉਣ ਤੱਕ ਕਈ ਮਹੱਤਵਪੂਰਨ ਮੁੱਦਿਆਂ ਤੇ ਗੱਲਬਾਤ ਕੀਤੀ |




2. ਕਾਰਬਨ ਟੈਕਸ - ਪ੍ਰਧਾਨਮੰਤਰੀ ਟਰੂਡੋ ਨਾਲ ਹੋਈ ਮੀਟਿੰਗ ਨੂੰ ਨਿਊ ਬਰੰਜ਼ਵਿੱਕ ਪ੍ਰੀਮੀਅਰ ਹਿਗਜ਼ ਨੇ ਦੱਸਿਆ ਨਿਰਾਸ਼ਾਜਨਕ 

ਕੈਨੇਡਾ ਵਿੱਚ ਕਾਰਬਨ ਟੈਕਸ ਦਾ ਮਸਲਾ ਹੁਣ ਪ੍ਰਧਾਨਮੰਤਰੀ ਟਰੂਡੋ ਦੀ ਸਰਕਾਰ ਲਈ ਵੱਡਾ ਸਿਰਦਰਦ ਬਣਦਾ ਜਾ ਰਿਹਾ ਹੈ , ਨਿਊ ਬਰੰਜ਼ਵਿੱਕ ਦੇ ਪ੍ਰੀਮੀਅਰ ਬਲੇਨ ਹਿਗਜ਼ ਨੇ ਪ੍ਰਧਾਨਮੰਤਰੀ ਟਰੂਡੋ ਨਾਲ ਹੋਈ ਮੀਟਿੰਗ ਨੂੰ ਨਿਰਾਸ਼ਾਜਨਕ ਦੱਸਿਆ ਹੈ , ਦੋਵਾਂ ਨੇਤਾਵਾਂ ਨੇ ਓਟਾਵਾ ਵਿੱਚ ਇਕ ਮੀਟਿੰਗ ਦੌਰਾਨ ਨਿਊ ਬਰੰਜ਼ਵਿੱਕ ਦੇ ਸਿਹਤ ਸੰਭਾਲ ਵਿੱਤੀ ਫਰੇਮਵਰਕ, ਪਾਈਪਲਾਈਨ ਬਿਲ ਸੀ -69, ਸਾਫਟਵੇਡ ਲੰਬਰ ਟੈਰਿਫ, ਰਾਸ਼ਟਰੀ ਊਰਜਾ ਉਪਯੋਗਤਾ ਗਲਿਆਰਾ ਅਤੇ ਨਿਊ ਬਰੰਜ਼ਵਿਕ ਦੀ ਨਦੀਆਂ ਅਤੇ ਝੀਲਾਂ ਵਿੱਚ ਸੈਲਮਨ ਸਟਾਕਾਂ ਨੂੰ ਖਤਮ ਕਰਨ ਤੇ ਚਰਚਾ ਕੀਤੀ ਸੀ ਹਾਲਾਂਕਿ ਹਿਗਜ਼ ਕਾਰਬਨ ਟੈਕਸ ਤੇ ਸਰਕਾਰ ਦੀ ਕਾਰਗੁਜ਼ਾਰੀ ਤੋਂ ਨਿਰਾਸ਼ ਨਜ਼ਰ ਆਏ |



3. ਛੋਟੇਪੁਰ ਨੂੰ ਆਪ ਵਿੱਚੋਂ ਕੱਢਣ ਤੇ ਬੋਲੇ ਖਹਿਰਾ - ਮੈਨੂੰ ਵੀ ਕੇਜਰੀਵਾਲ ਦੇ ਦਬਾਅ ਕਾਰਣ ਚੁੱਪ ਰਹਿਣਾ ਪਿਆ 

ਸੁਖਪਾਲ ਖਹਿਰਾ ਪਾਰਟੀ ਛੱਡਣ ਤੋਂ ਬਾਅਦ ਹੁਣ ਆਮ ਆਦਮੀ ਪਾਰਟੀ ਬਾਰੇ ਵੱਡੇ ਖੁਲਾਸੇ ਕਰ ਰਹੇ ਹਨ , ਆਮ ਆਦਮੀ ਪਾਰਟੀ ਤੋਂ ਅਸਤੀਫ਼ਾ ਦੇਣ ਵਾਲੇ ਸੁਖਪਾਲ ਸਿੰਘ ਖਹਿਰਾ ਨੇ ਮੰਨਿਆ ਹੈ ਕਿ ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਦੇ ਦਬਾਅ ਹੇਠ ਉਨ੍ਹਾਂ ਨੇ ਸਾਬਕਾ ਪੰਜਾਬ ਪ੍ਰਧਾਨ ਸੁੱਚਾ ਸਿੰਘ ਛੋਟੇਪੁਰ ਨੂੰ ਪਾਰਟੀ ਤੋਂ ਕੱਢਣ ਲਈ ਦਸਤਖ਼ਤ ਕੀਤੇ ਸਨ , ਖਹਿਰਾ ਨੇ ਆਪਣੀ ਗ਼ਲਤੀ ਨੂੰ ਸਵੀਕਾਰ ਕਰਦੇ ਹੋਏ ਕਿਹਾ ਕਿ ਸੁੱਚਾ ਸਿੰਘ ਛੋਟੇਪੁਰ ਧੋਖਾ ਕੀਤਾ ਗਿਆ ਸੀ, ਕੇਜਰੀਵਾਲ ਦੇ ਦਬਾਅ ਕਾਰਨ ਮੈਂ ਵੀ ਇਸ ਵਿਚ ਸ਼ਾਮਲ ਸੀ , ਕਈ ਵਾਰ ਗਲਤੀ ਹੋ ਜਾਂਦੀ ਹੈ |



4. ਕਾਲੇ ਧਨ ਦਾ ਮਾਮਲਾ - ਸੋਨੀਆ ਗਾਂਧੀ ਦੇ ਜਵਾਈ ਰਾਬਰਟ ਵਾਡਰਾ ਤੋਂ ਪੁੱਛਗਿੱਛ ਕਰ ਸਕਦੀਆਂ ਹਨ ਏਜੰਸੀਆਂ

ਸੋਨੀਆ ਗਾਂਧੀ ਦੇ ਦਾਮਾਦ ਰਾਬਰਟ ਵਾਡਰਾ ਇਸ ਸਮੇਂ ਮਨੀ ਲਾਡਰਿੰਗ ਮਾਮਲੇ ਵਿਚ ਫਸੇ ਹੋਏ ਹਨ, ਇਹ ਮਾਮਲਾ ਗ਼ੈਰ ਕਾਨੂੰਨੀ ਤੌਰ 'ਤੇ ਵਿਦੇਸ਼ਾਂ' ਚ ਜਾਇਦਾਦ ਰੱਖਣ ਨਾਲ ਸੰਬੰਧਿਤ ਹੈ , ਇਹ ਮਾਮਲਾ ਬ੍ਰਿਟੇਨ ਵਿਚ 1.9 ਮਿਲੀਅਨ ਪੌਂਡ ਦੀ ਜਾਇਦਾਦ ਦੀ ਖਰੀਦ ਦੇ ਸੰਬੰਧ ਵਿਚ, ਕਥਿਤ ਤੌਰ 'ਤੇ ਕਾਲੇ ਧਨ ਨੂੰ ਸਫੈਦ ਕਰਨ ਨਾਲ ਸਬੰਧਤ ਹੈ, ਅੱਜ ਭਾਰਤ ਦੀ ਏਜੰਸੀ ਇਨਫੋਰਸਮੈਂਟ ਡਾਇਰੈਕਟੋਰੇਟ ਇਸ ਮਾਮਲੇ ਦੇ ਸੰਬੰਧ ਵਿਚ ਰਾਬਰਟ ਵਾਡਰਾ ਤੋਂ ਪੁੱਛਗਿੱਛ ਕਰ ਸਕਦੀ ਹੈ , ਜਿਸ ਤੋਂ ਬਾਅਦ ਗਾਂਧੀ ਪਰਿਵਾਰ ਅਤੇ ਵਾਡਰਾ ਦੀਆਂ ਮੁਸ਼ਕਲ ਵੱਧ ਸਕਦੀਆਂ ਹਨ |


5. 27-28 ਫਰਵਰੀ ਨੂੰ ਵੀਅਤਨਾਮ ਵਿੱਚ ਮਿਲਣਗੇ ਟਰੰਪ ਅਤੇ ਕਿਮ ਜੋਂਗ - 8 ਮਹੀਨੇ ਬਾਅਦ ਦੂਜੀ ਮੁਲਾਕਾਤ 

ਇਕ ਦੂਜੇ ਨੂੰ ਲਗਾਤਾਰ ਤਬਾਹ ਕਰਨ ਦੀਆਂ ਧਮਕੀਆਂ ਦੇਣ ਵਾਲੀਆਂ ਦੁਨੀਆ ਦੀਆਂ ਦੋ ਪ੍ਰਮਾਣੂ ਸ਼ਕਤੀਆਂ ਜਲਦ ਹੀ ਮਿਲਣ ਜਾ ਰਹੀਆਂ ਹਨ , ਅਮਰੀਕੀ ਰਾਸ਼ਟਰਪਤੀ ਡੌਨਲਡ ਟਰੰਪ ਅਤੇ ਉੱਤਰ ਕੋਰੀਆ ਦੇ ਸ਼ਾਸਕ ਕਿਮ ਜੋਂਗ ਉਨ 27-28 ਫਰਵਰੀ ਨੂੰ ਵਿਅਤਨਾਮ ਵਿੱਚ ਮਿਲਣਗੇ , ਟਰੰਪ ਨੇ ਅਮਰੀਕੀ ਕਾਂਗਰਸ ਵਿੱਚ ਯੂਨੀਅਨ ਸਪੀਚ ਸਟੇਟ ਵਿੱਚ ਇਸਦੀ ਘੋਸ਼ਣਾ ਕੀਤੀ ਹੈ , ਦੋਹਾਂ ਨੇਤਾਵਾਂ ਨੇ ਇਸ ਤੋਂ ਪਹਿਲਾ 12 ਜੂਨ ਨੂੰ ਸਿੰਗਾਪੁਰ ਵਿਚ ਮੁਲਾਕਾਤ ਕੀਤੀ ਸੀ, ਉਸ ਸਮੇਂ ਦੌਰਾਨ ਦੋਵਾਂ ਨੇਤਾਵਾਂ ਦੇ ਵਿਚਕਾਰ ਲਗਭਗ 90 ਮਿੰਟ ਦੀ ਚਰਚਾ ਹੋਈ ਸੀ |


ਹੋਰਨਾਂ ਤੇਜ਼ ਖਬਰਾਂ ਲਈ ਜੁੜੇ ਰਹੇ ਕੈਨੇਡੀਅਨ ਮੀਡੀਆ - ਯੂਨਾਈਟਿਡ ਐਨ ਆਰ ਆਈ ਪੋਸਟ ਦੇ ਨਾਲ 



Add Comment

Most Popular

Sign up for the Newsletter

Join our newsletter and get updates in your inbox. We won’t spam you and we respect your privacy.