Breaking News :

ਬ੍ਰੇਕਜਿਟ ਸਮਝੌਤੇ ਉੱਤੇ ਯੂਰਪੀਅਨ ਯੂਨੀਅਨ ਅਤੇ ਬ੍ਰਿਟੇਨ ਵਿੱਚ ਫਿਰ ਫਸਿਆ ਪੇਚ , 12 ਅਪ੍ਰੈਲ ਤੱਕ ਦਾ ਸਮਾਂ ਤੈਅ

ਲੰਦਨ , 05 ਅਪ੍ਰੈਲ ( NRI MEDIA )

ਬ੍ਰੇਕਜਿਟ ਸਮਝੌਤੇ ਨੂੰ ਲੈ ਕੇ ਬ੍ਰਿਟੇਨ ਦੀ ਸਰਕਾਰ ਹੁਣ ਆਖਰੀ ਫੈਸਲਾ ਲੈਣ ਲਈ ਉਤਾਵਲੀ ਹੋ ਰਹੀ ਹੈ , ਯੂਕੇ ਵਿੱਚ, ਯੂਰੋਪੀ ਸੰਘ ਦੇ ਨਾਲ ਇਕਰਾਰਨਾਮੇ ਤੋਂ ਬਿਨਾਂ ਵੱਖ ਹੋਣ ਤੋਂ ਬਚਣ ਲਈ ਸਰਕਾਰ ਲਗਾਤਾਰ ਵਿਰੋਧੀ ਧਿਰਾਂ ਨਾਲ ਗੱਲਬਾਤ ਵਿੱਚ ਰੁੱਝੀ ਹੋਈ ਹੈ , ਸੱਤਾਧਾਰੀ ਕੰਜ਼ਰਵੇਟਿਵ ਪਾਰਟੀ ਅਤੇ ਵਿਰੋਧੀ ਧਿਰ ਦੇ ਲੇਬਰ ਪਾਰਟੀ ਦੇ ਨੇਤਾਵਾਂ ਵਿਚਕਾਰ ਗੱਲਬਾਤ ਚੱਲਦੀ ਰਹੀ , ਵਿਰੋਧੀ ਧਿਰ ਦੀ ਪਾਰਟੀ ਆਪਣੇ ਅਨੁਸਾਰ ਸਮਝੌਤੇ ਵਿੱਚ ਕੁਝ ਸੋਧਾਂ ਕਰਵਾ ਰਹੀ ਹੈ , ਵਿਰੋਧੀ ਧਿਰ ਦੇ ਨਾਲ ਗੱਲਬਾਤ ਤੋਂ ਬਾਅਦ ਪ੍ਰਧਾਨਮੰਤਰੀ ਥੇਰੇਸਾ ਮੇ ਨੂੰ ਆਪਣੀ ਹੀ ਪਾਰਟੀ ਦੇ ਵਿਰੋਧ ਅਤੇ ਅਸਤੀਫਾ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ |


ਇਹ ਸਮਝੌਤੇ ਨੂੰ ਬ੍ਰਿਟਿਸ਼ ਸੰਸਦ ਦੀ ਪ੍ਰਵਾਨਗੀ ਬਹੁਤ ਜ਼ਰੂਰੀ ਹੈ ਪਰ ਬ੍ਰਿਟਿਸ਼ ਪਾਰਲੀਮੈਂਟ ਨੇ ਤਿੰਨ ਵਾਰ ਸਰਕਾਰ ਦੇ ਸਮਝੌਤੇ ਦੇ ਖਰੜੇ ਨੂੰ ਖਾਰਜ ਕਰ ਦਿੱਤਾ ਹੈ ,ਬ੍ਰੇਕਜਿਟ ਦੇ ਲਈ ਇਸ ਤੋਂ ਪਹਿਲਾ ਮਾਰਚ 29 ਦੀ ਮਿਤੀ ਮਿਥੀ ਗਈ ਸੀ ਪਰ ਥੇਰਸਾ ਮੇ ਸਰਕਾਰ ਇਸ ਨੂੰ ਪਾਸ ਨਹੀਂ ਕਰਾ ਸਕੀ , 12 ਅਪ੍ਰੈਲ ਨੂੰ ਸੰਸਦ ਤੋਂ ਪ੍ਰਵਾਨਗੀ ਮਿਲਣ ਤੋਂ ਬਾਅਦ ਅਤੇ ਖਰੜਾ ਪ੍ਰਾਪਤ ਕਰਨ ਦੇ ਬਾਅਦ, ਯੂਰਪੀ ਯੂਨੀਅਨ ਉਸ ਨੂੰ ਸਵੀਕਾਰ ਕਰਨ ਦੀ ਪ੍ਰਕਿਰਿਆ ਤੇ ਕੰਮ ਕਰੇਗਾ |

ਯੂਰਪੀ ਯੂਨੀਅਨ ਨੇ ਯੂਕੇ ਲਈ 12 ਅਪਰੈਲ ਦੀ ਸਮਾਂ ਸੀਮਾ ਨਿਰਧਾਰਤ ਕੀਤੀ ਹੈ , ਬ੍ਰਿਟੇਨ ਨੂੰ ਕਿਸੇ ਸੌਦੇ ਨੂੰ ਪਾਸ ਕਰਨ ਜਾਂ ਵਿਕਲਪ ਨੂੰ ਠੀਕ ਕਰਨ ਲਈ ਕਿਹਾ ਗਿਆ ਹੈ , ਜੇ ਅਜਿਹਾ ਨਾ ਕੀਤਾ ਗਿਆ ਤਾਂ ਬ੍ਰਿਟੇਨ ਨੂੰ ਬਿਨਾਂ ਕਿਸੇ ਸੌਦੇ ਤੋਂ ਯੂਰਪੀ ਯੂਨੀਅਨ ਤੋਂ ਬਰਖਾਸਤ ਕਰ ਦਿੱਤਾ ਜਾਵੇਗਾ, ਇਸ ਤੋਂ ਬਾਅਦ ਬ੍ਰਿਟੇਨ ਨੂੰ ਇਕ ਵੱਡੇ ਆਰਥਿਕ ਜੋਖਮ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ ,ਇਸ ਸਮੇ ਬ੍ਰਿਟੇਨ ਕੋਲ ਸਮਾਂ ਬਹੁਤ ਘੱਟ ਹੈ , ਯੂਰਪੀ ਯੂਨੀਅਨ ਨੇ 10 ਅਪ੍ਰੈਲ ਨੂੰ ਨੇਤਾਵਾਂ ਦੀ ਐਮਰਜੈਂਸੀ ਬੈਠਕ ਸੱਦੀ ਹੈ |

ਬ੍ਰੇਕਜਿਟ ਦਾ ਮਤਲਬ ਹੈ ਯੂਕੇ ਦਾ ਯੂਰਪੀ ਯੂਨੀਅਨ ਤੋਂ ਬਾਹਰ ਜਾਣਾ , ਯੂਰੋਪੀ ਸੰਘ ਤੋਂ ਬ੍ਰਿਟੇਨ ਦੇ ਅਲੱਗ ਹੋਣ ਉੱਤੇ ਸਾਰਾ ਸੰਸਾਰ ਨਜ਼ਰ ਬਣਾ ਕੇ ਰੱਖ ਰਿਹਾ ਹੈ ਕਿਉਕਿ ਇਸ ਨਾਲ ਪੂਰੇ ਸੰਸਾਰ ਤੇ ਅਸਰ ਪਵੇਗਾ ,ਬ੍ਰਿਟੇਨ ਯੂਰੋਪੀਅਨ ਯੂਨੀਅਨ ਵਿੱਚ ਰਹੇਗਾ ਜਾਂ ਨਹੀਂ ,ਇਹ ਫੈਸਲਾ ਬ੍ਰਿਟਿਸ਼ ਸੰਸਦ ਦੇ ਹੱਥ ਵਿਚ ਹੈ , ਈਯੂ ਸਿੱਧੇ ਤੌਰ ਤੇ ਵੀ ਬ੍ਰਿਟੇਨ ਨੂੰ ਬਾਹਰ ਕੱਢ ਸਕਦਾ ਹੈ |



Add Comment

Most Popular

Sign up for the Newsletter

Join our newsletter and get updates in your inbox. We won’t spam you and we respect your privacy.