Breaking News :

ਪੁਲਵਾਮਾ ਹਮਲੇ ਤੋਂ ਬਾਅਦ ਪਾਕਿਸਤਾਨ ਤੇ ਭਾਰਤ ਦੀ ਮਾਰ - ਪਾਕਿਸਤਾਨ ਵਿੱਚ ਮਹਿੰਗਾਈ 4 ਗੁਣਾ ਤੋਂ ਜ਼ਿਆਦਾ ਵਧੀ

ਇਸਲਾਮਾਬਾਦ , 15 ਅਪ੍ਰੈਲ ( NRI MEDIA )

ਪੁੱਲਵਾਮਾ ਦਹਿਸ਼ਤਗਰਦ ਹਮਲੇ ਤੋਂ ਬਾਅਦ ਪਾਕਿਸਤਾਨ ਬੇਹੱਦ ਮਾੜੀ ਹਾਲਾਤ ਵਿੱਚ ਹੈ , ਪਾਕਿਸਤਾਨ ਵਿਚ ਮਹਿੰਗਾਈ ਦੀ ਦਰ ਚਾਰ ਗੁਣਾ ਤੋਂ ਜ਼ਿਆਦਾ ਵੱਧ ਚੁਕੀ ਹੈ , ਇਹ ਅੱਤਵਾਦੀ ਹਮਲਾ 14 ਫਰਵਰੀ ਨੂੰ ਹੋਇਆ ਸੀ ਪਹਿਲਾਂ, ਪਾਕਿਸਤਾਨ ਵਿਚ ਮਹਿੰਗਾਈ 2.2% ਸੀ. ਜਦਕਿ 58 ਦਿਨ ਬਾਅਦ ਇਹ ਹੁਣ 9.4% ਹੈ , ਮਹਿੰਗਾਈ ਦੇ ਕਾਰਨ ਲੋਕ ਪਰੇਸ਼ਾਨ ਹਨ ਭੋਜਨ ਅਤੇ ਪੀਣ ਵਾਲੀਆਂ ਚੀਜ਼ਾਂ ਦੇ ਨਾਲ- ਨਾਲ ਦਵਾਈਆਂ ਵੀ ਮਹਿੰਗੀਆਂ ਹੋ ਗਈਆਂ ਹਨ , ਮੀਡੀਆ ਰਿਪੋਰਟ ਦੇ ਅਨੁਸਾਰ, ਇਸ ਸਥਿਤੀ ਦੇ ਕਾਰਨ ਪਾਕਿਸਤਾਨ ਵਿੱਚ ਕਾਲਾ ਬਾਜ਼ਾਰੀ ਵੀ ਵੱਧ ਗਈ ਹੈ , ਪਾਕਿਸਤਾਨ ਵਿਚ ਪਿਛਲੇ 58 ਦਿਨਾਂ ਵਿਚ ਖਾਣ ਪੀਣ ਦੀਆਂ ਚੀਜ਼ਾਂ ਦੀਆਂ ਕੀਮਤਾਂ ਲਗਾਤਾਰ ਵਧ ਰਹੀਆਂ ਹਨ |


ਪਾਕਿਸਤਾਨੀ ਅਖਬਾਰ ਦ ਡਾਨ ਅਨੁਸਾਰ ਪ੍ਰਸ਼ਾਸਨ ਨੇ ਦੁੱਧ ਦੀ ਕੀਮਤ 94 ਰੁਪਏ ਨਿਰਧਾਰਤ ਕੀਤੀ ਹੈ ਪਰ ਜ਼ਿਆਦਾਤਰ ਦੁਕਾਨਦਾਰ 120-180 ਰੁਪਏ ਪ੍ਰਤੀ ਲੀਟਰ ਦੇ ਰੇਟ ਤੇ ਵੇਚ ਰਹੇ ਹਨ , ਇੱਥੇ ਪਹਿਲਾ 70 ਰੁਪਏ ਪ੍ਰਤੀ ਲੀਟਰ ਦੁੱਧ ਵੇਚਿਆ ਜਾਂਦਾ ਸੀ , ਡੇਅਰੀ ਐਸੋਸੀਏਸ਼ਨ ਦੇ ਅਨੁਸਾਰ, ਸਰਕਾਰ ਨੂੰ ਕੀਮਤ ਵਧਾਉਣ ਦੀ ਅਪੀਲ ਕੀਤੀ ਗਈ ਸੀ ਜੇਕਰ ਸਰਕਾਰ ਇਸ ਨੂੰ ਸਵੀਕਾਰ ਨਹੀਂ ਕਰਦੀ, ਤਾਂ ਖੁਦ ਕੀਮਤਾਂ ਵਧਾ ਦੇਣਗੇ , ਟਮਾਟਰ ਵਰਗੀਆਂ ਸਬਜ਼ੀਆਂ 150 ਰੁਪਏ ਪ੍ਰਤੀ ਕਿਲੋਗ੍ਰਾਮ ਵੇਚੀਆਂ ਰਹੀਆਂ ਹਨ |

ਮੀਡੀਆ ਰਿਪੋਰਟਾਂ ਦੇ ਅਨੁਸਾਰ ਦਵਾਈਆਂ ਦੀ ਕਮੀ ਦੇ ਚਲਦੇ ਪਾਕਿਸਤਾਨ ਦੀ ਡਰੱਗ ਰੈਗੂਲੇਟਰੀ ਅਥਾਰਿਟੀ ਨੇ ਕਰਾਚੀ, ਲਾਹੌਰ ਅਤੇ ਪੇਸ਼ਾਵਰ ਵਿੱਚ 28 ਦਵਾਈਆਂ ਵਾਲੀਆਂ ਕੰਪਨੀਆਂ ਦੇ ਠਿਕਾਣੇ 'ਤੇ ਛਾਪੇ ਮਾਰੇ ਹਨ , ਇਨ੍ਹਾਂ ਕੰਪਨੀਆਂ ਤੇ ਕੇਸ ਦਰਜ ਕੀਤੇ ਹਨ , ਇਨ੍ਹਾਂ ਕੰਪਨੀਆਂ ਦੇ ਠਿਕਾਣਿਆਂ ਤੋਂ 83 ਕਿਸਮ ਦੀਆਂ ਦਵਾਈਆਂ ਜ਼ਬਤ ਕੀਤੀਆਂ ਗਈਆਂ ਹਨ , ਇਹ ਕੰਪਨੀਆਂ ਵੱਡੀ ਕੀਮਤ 'ਤੇ ਦਵਾਈਆਂ ਵੇਚ ਰਹੀਆਂ ਸਨ |


ਪਾਕਿਸਤਾਨ ਬਿਊਰੋ ਆਫ਼ ਸਟੈਟਿਕਸ ਅਨੁਸਾਰ, ਮਾਰਚ ਦੌਰਾਨ ਦੇਸ਼ ਵਿਚ ਮਹਿੰਗਾਈ ਦੀ ਦਰ 9.4% ਹੈ ,ਔਸਤ ਮਹਿੰਗਾਈ ਦਰ ਸਾਲ ਦਰ ਸਾਲ ਆਧਾਰ 'ਤੇ 6.97% ਵਧੀ ਹੈ. ਇਸ 'ਤੇ ਵਿਚਾਰ ਕਰਦੇ ਹੋਏ, ਕੇਂਦਰੀ ਬੈਂਕ ਨੇ ਵਿਆਜ ਦਰਾਂ ਨੂੰ 10.75% ਤੱਕ ਵਧਾ ਦਿੱਤਾ ਹੈ , ਇਹ ਪਹਿਲਾਂ ਹੀ ਛੇ ਮਹੀਨਿਆਂ ਦਾ ਸਭ ਤੋਂ ਉੱਚੀ ਹੈ , ਸਰਕਾਰ ਨੇ ਪਿਛਲੇ ਵਿੱਤ ਵਰ੍ਹੇ ਲਈ 6% ਸਾਲਾਨਾ ਮਹਿੰਗਾਈ ਦਾ ਟੀਚਾ ਤੈਅ ਕੀਤਾ ਸੀ ਪਰ ਇਸ ਵਰ੍ਹੇ ਫਰਵਰੀ-ਮਾਰਚ ਵਿਚ, ਮਹਿੰਗਾਈ ਸਰਕਾਰ ਦੇ ਅੰਕੜੇ ਨਾਲੋਂ ਬਹੁਤ ਜ਼ਿਆਦਾ ਹੈ , ਜੋ ਸਰਕਾਰ ਲਈ ਵੱਡਾ ਸਿਰਦਰਦ ਬਣਿਆ ਹੋਇਆ ਹੈ |

ਪੁਲਵਾਮਾ ਵਿਚ ਅੱਤਵਾਦੀ ਹਮਲੇ ਤੋਂ ਬਾਅਦ ਭਾਰਤ ਨੇ ਪਾਕਿਸਤਾਨ ਤੋਂ ਸਭ ਤੋਂ ਪਸੰਦੀਦਾ ਮੁਲਕ ਦਾ ਰੁਤਬਾ ਖੋਹ ਲਿਆ ਸੀ ,ਭਾਰਤ ਨੇ ਪਾਕਿਸਤਾਨੀ ਵਸਤਾਂ ਉੱਤੇ 200% ਡਿਊਟੀ ਲਾ ਦਿੱਤੀ ਸੀ , ਕਾਰੋਬਾਰ 'ਤੇ ਇਸ ਦਾ ਪ੍ਰਭਾਵ ਪਿਆ ਹੈ , ਇਸ ਤੋਂ ਪਹਿਲਾਂ, ਜੁਲਾਈ 2018 ਅਤੇ ਜਨਵਰੀ 2019 ਵਿਚਕਾਰ, ਦੋਵਾਂ ਮੁਲਕਾਂ ਵਿਚ 7,800 ਕਰੋੜ ਰੁਪਏ ਦਾ ਦੁਵੱਲਾ ਵਪਾਰ ਹੋਇਆ ਸੀ , ਪਾਕਿਸਤਾਨ ਵੱਲੋਂ ਭਾਰਤ ਤੋਂ 6,100 ਕਰੋੜ ਰੁਪਏ ਦੀ ਦਰਾਮਦ ਕੀਤੀ ਜਾਂਦੀ ਹੈ, ਜਦੋਂ ਕਿ ਪਾਕਿਸਤਾਨ ਕੋਲ ਭਾਰਤ ਤੋਂ 1700 ਕਰੋੜ ਰੁਪਏ ਆਉਂਦੇ ਹਨ , ਹਮਲੇ ਤੋਂ ਬਾਅਦ, ਭਾਰਤ ਨੇ ਪਾਕਿਸਤਾਨ ਨੂੰ ਸਾਫਟਾ ਤੋਂ ਹਟਾਉਣ ਲਈ ਤਿਆਰੀ ਕਰ ਲਈ ਸੀ |


Add Comment

Most Popular

Sign up for the Newsletter

Join our newsletter and get updates in your inbox. We won’t spam you and we respect your privacy.