• Saturday, December 07

IND vs WI 1st Test: ਜਡੇਜਾ ਤੇ ਇਸ਼ਾਂਤ ਦੀ ਬਦੌਲਤ ਭਾਰਤ ਮਜ਼ਬੂਤ ਸਥਿਤੀ 'ਚ

IND vs WI 1st Test: ਜਡੇਜਾ ਤੇ ਇਸ਼ਾਂਤ ਦੀ ਬਦੌਲਤ ਭਾਰਤ ਮਜ਼ਬੂਤ ਸਥਿਤੀ 'ਚ

ਸਪੋਰਟਸ ਡੈਸਕ: ਰਵਿੰਦਰ ਜਡੇਜਾ ਦੇ ਅਰਧ ਸੈਂਕੜੇ ਨਾਲ ਪਹਿਲੀ ਪਾਰੀ ਵਿਚ ਮਜ਼ਬੂਤ ਸਕੋਰ ਬਣਾਉਣ ਤੋਂ ਬਾਅਦ ਤੇਜ਼ ਗੇਂਦਬਾਜ਼ ਇਸ਼ਾਂਤ ਸ਼ਰਮਾ ਦੀ ਘਾਤਕ ਗੇਂਦਬਾਜ਼ੀ ਦੇ ਦਮ 'ਤੇ ਭਾਰਤ ਨੇ ਇੱਥੇ ਪਹਿਲੇ ਟੈਸਟ ਕ੍ਰਿਕਟ ਮੈਚ ਦੇ ਦੂਜੇ ਦਿਨ ਮੇਜ਼ਬਾਨ ਵੈਸਟਇੰਡੀਜ਼ ਦੀਆਂ 8 ਵਿਕਟਾਂ ਲੈ ਕੇ ਮਜ਼ਬੂਤ ਸਥਿਤੀ ਹਾਸਲ ਕਰ ਲਈ।  ਦਿਨ ਦੀ ਖੇਡ ਖਤਮ ਹੋਣ ਤਕ ਵੈਸਟਇੰਡੀਜ਼ ਨੇ 59 ਓਵਰਾਂ ਦੀ ਖੇਡ ਵਿਚ 8 ਵਿਕਟਾਂ ਗੁਆ ਕੇ 189 ਦੌੜਾਂ ਬਣਾ ਲਈਆਂ ਸਨ ਜਦਕਿ ਉਹ ਭਾਰਤ ਦੀਆਂ 297 ਦੌੜਾਂ ਤੋਂ ਅਜੇ ਵੀ ਭਾਰਤ ਤੋਂ 108 ਦੌੜਾਂ ਪਿੱਛੇ ਹੈ। ਭਾਰਤ ਵਲੋਂ ਇਸ਼ਾਂਤ ਸ਼ਰਮਾ ਨੇ 42 ਦੌੜਾਂ 'ਤੇ 5 ਵਿਕਟਾਂ, ਬੁਮਰਾਹ, ਸ਼ੰਮੀ ਤੇ ਜਡੇਜਾ ਨੇ ਇਕ- ਇਕ ਵਿਕਟ ਹਾਸਲ ਕੀਤੀ। 


ਇਸ ਤੋਂ ਪਹਿਲਾਂ ਭਾਰਤ ਨੇ ਅਜਿੰਕਯ ਰਹਾਨੇ (81) ਤੋਂ ਬਾਅਦ ਜਡੇਜਾ (58) ਦੇ ਅਰਧ ਸੈਂਕੜੇ ਨਾਲ ਚੋਟੀਕ੍ਰਮ ਦੇ ਲੜਖਾਉਣ ਦੇ ਬਾਵਜੂਦ ਆਪਣੀ ਪਹਿਲੀ ਪਾਰੀ ਵਿਚ 112 ਗੇਂਦਾਂ ਖੇਡੀਆਂ ਤੇ 6 ਚੌਕਿਆਂ ਤੇ ਇਕ ਛੱਕਾ ਲਾਇਆ ਤੇ ਆਪਣੀ ਪਾਰੀ ਦੌਰਾਨ ਇਸ਼ਾਂਤ  ਸ਼ਰਮਾ (19) ਨਾਲ 8ਵੀਂ ਵਿਕਟ ਲਈ 60 ਦੌੜਾਂ ਦੀ ਮਹੱਤਵਪੂਰਨ ਸਾਂਝੇਦਾਰੀ ਕੀਤੀ। ਰਵਿੰਦਰ ਜਡੇਜਾ ਨੇ ਵਿਰੋਧੀ ਹਾਲਾਤ ਵਿਚ ਜੁਝਾਰੂ ਪਾਰੀ ਖੇਡਣ ਦੀ ਆਪਣੀ ਸਮਰੱਥਾ ਦਾ ਜ਼ੋਰਦਾਰ ਨਮੂਨਾ ਪੇਸ਼ ਕਰਦਿਆਂ ਸ਼ੁੱਕਰਵਾਰ ਇਥੇ ਅਰਧ ਸੈਂਕੜਾ ਲਾਇਆ, ਜਿਸ ਨਾਲ ਭਾਰਤ ਵੈਸਟਇੰਡੀਜ਼ ਵਿਰੁੱਧ ਪਹਿਲੇ ਟੈਸਟ ਕ੍ਰਿਕਟ ਮੈਚ ਦੇ ਦੂਜੇ ਦਿਨ ਆਪਣੀ ਪਹਿਲੀ ਪਾਰੀ ਵਿਚ 297 ਦੌੜਾਂ ਬਣਾਉਣ ਵਿਚ ਸਫਲ ਰਿਹਾ।


ਜਡੇਜਾ ਨੇ ਆਖਰੀ ਬੱਲੇਬਾਜ਼ ਦੇ ਰੂਪ ਵਿਚ ਆਊਟ ਹੋਣ ਤੋਂ ਪਹਿਲਾਂ 58 ਦੌੜਾਂ ਬਣਾਈਆਂ। ਜਡੇਜਾ ਦੇ ਆਊਟ ਹੋਣ ਤੋਂ ਬਾਅਦ ਲੰਚ ਐਲਾਨ ਕਰ ਦਿੱਤਾ ਗਿਆ। ਭਾਰਤ ਨੇ ਸਵੇਰੇ 6 ਵਿਕਟਾਂ 'ਤੇ 203 ਦੌੜਾਂ ਤੋਂ ਅੱਗੇ ਖੇਡਣਾ ਸ਼ੁਰੂ ਕੀਤਾ। ਵੈਸਟਇੰਡੀਜ਼ ਵਲੋਂ ਕੇਮਰ ਰੋਚ ਸਭ ਤੋਂ ਸਫਲ ਗੇਂਦਬਾਜ਼ ਰਿਹਾ। ਉਸ ਨੇ 66 ਦੌੜਾਂ ਦੇ ਕੇ 4 ਵਿਕਟਾਂ ਲਈਆਂ। ਗੈਬ੍ਰੀਏਲ ਨੇ 71 ਦੌੜਾਂ ਦੇ ਕੇ 3 ਵਿਕਟਾਂ, ਰੋਸਟਨ ਚੇਜ਼ ਨੇ 58 ਦੌੜਾਂ ਦੇ ਕੇ 2 ਤੇ ਹੋਲਡਰ ਨੇ 36 ਦੌੜਾਂ ਦੇ ਕੇ 1 ਵਿਕਟ ਹਾਸਲ ਕੀਤੀ।

ਹੋਰ ਖ਼ਬਰਾਂ ਲਈ ਜੁੜੇ ਰਹੋ United NRI Post ਦੇ ਨਾਲ।


2 Comments

    Amar

    3 months ago

    Good news for team India. They will definitely win the series. Best of luck team India...

    Tanveer

    3 months ago

    India will lead in this World Test Champion ship. Good Luck Team India.

Add Comment

Recent Post

Sign up for the Newsletter

Join our newsletter and get updates in your inbox. We won’t spam you and we respect your privacy.